R A S M A L A T ... شربل روحانا - لشو التغيير

شربل روحانا وزياد الرحباني

اسمع تفرح .. جرب تحزن

يللي عم تاكل عم تشرب وبأي مطعم كنت
مندقلك منغنيلك ومنسهر نحنا وانت
هني الأكلات ذاتن ... والغنيات ذاتن
حتى السميعة ذاتن ... لشو التغيير

يللي عم تكدح يومية وبأي شغلة كنت
كنو فكرك انو بكرة بيحمينا نحنا وانت
هني الأوادم ذاتن ... ما بيحميهن غير ذاتن
بيضلوا هني ذاتن ... لشو التغيير

يللي عم تطمح عالفاضي ومن أي ديانة كنت
المستقبل متل الماضي والحاضر هوي انت
ما هني الطوايف ذاتن ... وبيجتمعوا مع ذاتن
حتى يختاروا ذاتن ... لشو التغيير

يللي عم تنطر بالفي وتحت العريشة كنت
شي علاقة رومانسية مع أحلى وأجمل بنت
هني البدايات ذاتن ... والنهايات ذاتن
حتى لو منن ذاتن ... لشو التغيير

يللي عم تحلم ليلية وباي فرشة كنت
بشي صبية هيفاوية لاتنسى وينك انت
هني الصبايا ذاتن ... حتى البوسات ذاتن
وبما انو هني ذاتن ... لشو التغيير

يللي عم تحصر أفكارك على أي محطة كنت
مهما تحصر مهما تحلل رح تبقى حيث انت
هني اللي بيحكوا ذاتن ... وما بيسمعوا غير ذاتن
خدهن على علاتن ... لشو التغيير

يللي عم تسعى للهجرة وعلى أي دولة كنت
مهما تسعى أنا بالعشرة ببصملك وين ما نزلت
هني البلدان ذاتن ... شمالاً وجنوباً ذاتن
شرقاً وغرباً ذاتن ... لشو التتغير

يللي عم تسمع بالوقفة ومفكر في شي جديد
طمن بالك هيي هيي ولا نوطة فيك تزيد
هني الأفكار ذاتن ... والألحان ذاتن
حتى الموسيقي ذاتن ... لشو التغيير
هني الأفكار ذاتن ... والالحان ذاتن
حتى القفلات ذاتن ... لشو التغيير

آخر فكرة لولادي وايضاً لولاد الناس
يللي حلمن عم بزهر حلمن عالعين والراس
بلكي التغيير جايي ... على حظن هني جايي
رغماً عن حزني جايي ... ان شاء الله التغيير

بلكي التغيير جاي ... على ايدن هني
كرمال عيونن جايي ... ان شاء الله التغيير
بلكي التغيير جايي ... على وجهن هني جايي
ولو مهما طال جايي ان شاء الله التغيير